Сам Александр [Казимирович] Божиею Милостию [князь литовский (1460-1506), король польский (с 1501 г.)].
Били нам чолом бояре Киевские, Дебр Каленикович, а [еще] Михайло Гагин, а Федко Голончиц, а Кунца Сенкович. а поведали нам, штож дядко жон их, князь Роман Яголдаевич, одну дочку в себе [и]мел и тая его дочка была за князем Юрием Борисовичем Вяземским, и князь Роман записал был той дочце своей имения свои отчинные, на имя Музец, а Милолубл, а Оскол, а Ядреевци, а Берково в Киевском повете, а в Путивльском, и князя Романова дочка з мужом своим зъехали до Москвы; ино тые имения вси князя Романовы спали были на нас; на господара, и били нам чолом Дебр Каленикович, а Михайло Гагин, а Федко Голенчид, а Кунца Сенкович, абыхмо тые имения дядка жон их князя Романовы, им дали по близкости жон их. И мы то з ласки нашое вчинили, тые имения князя Романовы Музец, а Милолюбл, а Оскол, а Ядреевици, а Берково по близости жон их дали чоторым им подельницам вечно, со всим по тому, как князь Роман держал, и што к тым имениям здавна прислухало, и их жонкам, и их детем, и потом будущим их щадком. А на твердости того и печать нашу казали есмо приложити к сему нашому листу. Писан у Витебску, в лето 700$. [1497 г.], месяца марца 19 день. Индикт 15.
